Stokholmda Navro‘z

Stokholmdagi Renkebu xalq uyida Navro‘z bayrami  munosabati bilan Ӯzbekistonning Shvetsiyadagi elchixonasi tomonidan tashkil etilgan kontsert dasturi bӯlib ӯtdi. 

Tadbirni Ӯzbekistonning Shvetsiyadagi elchisi Rahmatilla Nurembetov ochib, barcha vatandoshlarimizni bahor bayrami – Navrӯzi olam bilan tabrikladi. 

Skandinviya mamlakatlari ichida Shvetsiyada ӯzbeklar kӯpchilikni tashkil etadi. Tadbirda uch yuzdan oshiq vatandoshlarimiz ishtirok etishdi. Ӯzbekistondan tashrif buyugan xushovoz xonandalar – Sherzod Irgashev, Mustafo (Zoxid Yusupov) va «Xalqlar do‘stligi» ansambli sozandalari ӯz san'atlari bilan vatandoshlarimiz kӯngillarini shod etishdi. 

Stokholmda Ӯzbekiston elchixonasi ochilgandan buyon bu yerdagi millatdoshlarimiz hayotida yangi sahifalar ochildi. Ӯtgan ikki yil davomida yurtdoshlarimiz ishtirokida futbol, kurash va shahmat musobaqalari uyushtirildi. Mustaqillik, mamlakatimiz Konstitutsiyasi qabul qilingan kun, Yangi yil va Navrӯz bayrami munosabati bilan turli madaniy tadbirlar uyushtirilib, vatandoshlar uchun bayram dasturxoni yozildi.

Bugungi Navrӯz shodiyonalari ayniqsa esda qolarli taassurotlarga boy bӯldi. Ayniqsa, Sherzod Irgashevning vatanga muhabbat, ota-onalarni e'zozlash mavzusidagi qӯshiqlarini olqishlar bilan kutib olindi. 

Xorijda vatandoshlarimiz turli sohalarda mehnat qilib, ӯqib, ishlab yurishibdi. Bu yerda ular uchun hamma narsa bor. Faqat vatan, ona yurt mehri yetmaydi xolos. Elchixona tomonidan tashkil etilayotgan ana shunday tadbirlar millatdoshlarimizda vatanga muhabbat, ӯzaro dӯstlik, birodarlik tuyg‘ularini yanada oshishiga yordam bermoqda.