Istanbulda Jinsiy tajovuzga uchragan bola O‘zbekistonga qaytarildi

Istanbul Bosh konsulxonasi tomonidan Turkiyada seksual tajovuzga uchrab og‘ir ahvolda qolgan voyaga yetmagan o‘g‘il bola O‘zbekistonga qaytarildi

Fuqaro T.O.ning onasi 2015 yilda ishlash maqsadida Turkiyaga kelgan va Istanbul shahriga joylashgan. Uning onasi Turkiyalik rijol bilan tanishib,imom nikoh asosida zagssiz turmush qurgan va uning uyida yashashni boshlagan.

Afsuski, mazkur “ota” voyaga yetmagan yurtdoshimizga o‘g‘il bolaga nisbatan jinsiy tajovuz qilgan. Shu sababli, 2017 yilda T.O. Istanbuldagi bolalar uyiga joylashtirilgan.

Joriy yil fevral oyida T.O.opasi sudga qilgan murojaati asosida u bolalar uyidan ozod qilingan.

Biroq, T.O.ning opasi keyinchalik Turkiya politsiyasiga kuch ishlatgani uchun qamoqqa tushgan, va voyaga yetmagan fuqaro yana qarovsiz qolgan.

Bosh konsulxona “Yelkadosh” va “O‘zbek xotin-qizlar huquqlarini himoya qilish” jamiyatilari bilan hamkorlikda mazkur fuqaroning O‘zbekistonga qaytarilishini va uni qonuniy vakillariga topshirilishini tashkil etdi.