TO‘PALANG DARYoSINING FOJIALI QISMATI

2024 yil avgust oyida Surxandaryo viloyati Sariosiyo tumani ekologiya bo‘limi boshlig‘i Usmonov Xayrullo To‘palang daryosining o‘zanida noqonuniy ravishda qum-tovon olib ketayotgan fuqarolar bo‘yicha birlamchi hujjatlarni rasmiylashtirgan.

U O‘zbekiston Respublikasining amaldagi qonunlariga, jumladan Ma'muriy javobgarlik to‘g‘risidagi kodeksning 70-moddasiga muvofiq o‘z vakolati doirasida chora ko‘rishi lozim edi. Lekin, nimagadir, u hech qanday chora ko‘rmadi. Nega?

Bu savolga javob yo‘q.

— Usmonov Xayrullo o‘z xizmat vazifasini bajarmayaptimi?
— Yoki ushbu qonunbuzarlikda o‘zi ham manfaatdormi?

Eng achinarlisi — To‘palang daryosining o‘zani noqonuniy qazishlar natijasida 10–15 metrga pasaygan. Bu o‘z navbatida yer osti suvlarining ham kamayishiga sabab bo‘ldi va natijada atrofdagi aholi suvsizlikdan aziyat chekmoqda.

Noqonuniy qum-tovon olish ishlari asosan tunda amalga oshiriladi. Sababi ma'lum: bu ishlar qonuniy emas. Ammo mas'ul shaxs — Usmonov Xayrullo — bunga ko‘z yummoqda. Bu — faqat befarqlikmi yoki korruptsiya ishorami?

Jamoatchilik bu holatga befarq bo‘lmasligi kerak. Davlat idoralari, ekologik nazorat organlari ushbu ishni sinchiklab o‘rganishi va javobgarlikni ta'minlashi shart.

To‘palang daryosining taqdiri — bu faqat tabiat emas, balki minglab insonlarning hayoti masalasidir.