Ota-onasini ko‘rgani kelgan qiz uydagi mehmonni pichoqladi

25 yashar Hoshimova Sevaraxon Abdulmo‘so qizi ota-onasini ko‘rgani Quvaga keldi. Sevara ota-enasining diydoriga to‘yib, bo‘kib araq ichib uxlab qoldi. 

Kechasi hojat uchun uyg‘ongan qiz yo‘lakda mehmon A.Xusaynovga to‘qnash keldi. Mastlikda mehmonga qo‘pollashib, janjal ko‘tardi. So‘ng mehmon tegajoqlik qildi deya unga pichoq bilan tashlandi.

Lekin A.Xusaynov Sevaraga tegajoqlik qilmagan, u Rossiyaga ketish oldidan xotini bilan shu xonadonda vaqtincha yashab turgan. 

Mehmon yigit yelkasi va qornidan pichoq yedi. Uning jarohatlari hayot uchun xavfli deb belgilandi. Quvasoy shahar sudi mehmonga pichoq bilan tashlangan mezbonni 5 yil 1 oyga ozodlikdan mahrum qildi. 

Qiz qamag‘da, uning ikki bolasi bobo-buvi qaramog‘ida.