Buxoroda institut bitiruvchilari ish amaliyotidan mahrum qilinmoqda

Buxoro Davlat tibbiyot instituti 6-kurs talabalarining o‘qishini onlayn shaklga o‘tkazishni paysalga solmoqda. Bu kursda talabalar ishlab malakasini oshirishi kerak. Biroq institut o‘qish formatini o‘zgartirishga shoshmayapti.

«Rektor talabalar murojaatlarini e'tiborga olmasdan, o‘tgan yilgi talabalarning kamchiligini pesh qilmoqda. 6 kurslar offlayn o‘qishi uchun na joy, na sharoit bor» – deydi murojaatchilar.

Oliy ta'lim va Sog‘liqni Saqlash vazirliklari allaqachon onlayn darslarga buyruq berdi. Masalan, shu buyruq asosida Andijon davlat tibbiyot instituti 6-kurs talabalari allaqachon onlayn ta'limga o‘tib bo‘ldi. Buxoro davlat tibbiyot instituti vazirlik buyrug‘ini qachon bajaradi?