Toshkentdagi texnikumda nogiron bola kaltaklandi

30 sentyabr kuni ijtimoiy tarmoqlarda Toshkentda II guruh nogironligi bor bola kaltaklangani haqida xabar tarqaldi. Bu haqda Bolalar Ombudsmani ma'lum qildi. Ma'lumotga ko‘ra, bola sog‘ligi yomon ahvolda. U tinimsiz kaltaklanib kelinayotgan bo‘lishi mumkinligi aytilmoqda. Hozirda holat yuzasidan sud-tibbiy ekspertiza tayinlangan. 

Ma'lum bo‘lishicha, hodisa Toshkent shahri Mirzo-Ulug‘bek tumanida joylashgan texnikumlardan birida sodir bo‘lgan. Kaltaklash holatlari 22 sentyabrdan 26 sentyabrgacha bo‘lgan davrda yuz bergan. Bolani aniq kim urgani ma'lum qilinmagan. Hozirda tergovgacha tekshiruv olib borilmoqda. Sud-tibbiy ekspertiza tayinlangan.