Surxondaryoda 71 yoshli erkak ovqat tayyorlamagan xotinini pichoqlab o‘ldirdi

Ma'lumotlarga ko‘ra, 15-sentyabr kuni soat 14:30 atrofida Sariosiyo tumanidagi Afrosiyob mahallasida er-xotin o‘rtasida janjal kelib chiqqan. 

Erkak ovqat yo‘qligidan norozi bo‘lgan, ayol esa uning uydagi ishlarga mutlaqo yordam bermasligini aytgan. Shiddat bilan kuchaygan mojaroda erkak oshxona pichog‘ini olib, hovliga chiqqan va xotinining chap ko‘kragiga ikki marta zarba bergan. 66 yoshli xotin  olgan og‘ir jarohatlari tufayli voqea joyida vafot etgan.

Tergov ma'lumotlariga ko‘ra, marhuma birinchi guruh nogironi bo‘lgan va surunkali buyrak kasalligidan aziyat chekkan. Xotinining og‘ir ahvoliga qaramay, erkak ayol «uni muntazam ravishda xo‘rlaganini» aytgan . U sudda aybini to‘liq tan olgan va voqeani «doimiy tushunmovchiliklar» bilan izohlagan. 

Sud erkakning harakatlarini qasddan odam o‘ldirish sifatida baholab, umumiy tartibli koloniyada 10 yil ozodlikdan mahrum qilish haqida hukm chiqardi.

Kampir go‘rda, er qamag‘da.