Cho‘ponning o‘g‘riligi rostmi yo tuhmat?

Qashqadaryo viloyati Dehqonobod tumanidagi o‘rmon xo‘jaligida cho‘ponlik qilib yurgan fuqaro jami 52 bosh echkini o‘g‘irlaganlikda ayblandi.

«Men xo‘jalik mulkini o‘g‘irlamadim. Qora mollar kasalga chalinib o‘lsa o‘z hisobimdan taksi tutib 200-250 ming so‘m to‘lab tegishli joyga olib borardim. Xo‘jalikda mendan boshqa cho‘pon yo‘q. Moshin yo‘q, dori-darmon yetishmaydi. Mollarni veterenarga olib borganimda, o‘lik mollarni tashib yurganimda echkilar yo‘qolgan. Ayrimlari kasallanib o‘lgan» – dedi cho‘pon o‘z ko‘rsatmasida. 

Dehqonobod tuman sudi ko‘rsatmaga ishonmadi. Cho‘ponning ozodligi 1 yil 8 oyga cheklandi. U xo‘jalikka yetkazgan zararining 9 million 500 ming so‘mini qoplab beradi.