Rus millatchisi o‘ldirgan o‘smir jasadi Tojikistonga olib kelindi

Tojikiston Moskva viloyatidagi maktabda rus millatchisi tomonidan o‘ldirilgan 10 yoshli Qobiljon Aliev bilan vidolashmoqda

Tojikistonning Shahrinav tumanida Moskva viloyatidagi maktabda to‘qqizinchi sinf o‘quvchisi Timofey K.ning hujumi natijasida halok bo‘lgan 10 yoshli Qobiljon Aliev bilan vidolashuv marosimi boshlandi.

Bolaning jasadi ertalab Tojikistonga olib kelindi va Shahrinav tumanidagi Ajam qishlog‘ida yashovchi qarindoshlaridan birining uyiga yetkazildi.

Dushanbe aeroportida «Aziya-Plyus» jurnalistlariga jasadni olib chiqish jarayonini videoga olishga ruxsat berilmadi. Cheklov sabablari tushuntirilmagan. Ajam qishlog‘ining o‘zida ham tasvirga olish taqiqlandi — mahalliy ma'muriyat vakili dafn marosimi o‘tkazilayotgan joyni «suratga olmaslik haqida ko‘rsatma berilganini» ma'lum qildi.