Chustda «Big House» quruvchi shirkati mijozlarni «uxlatdi»

Namangan viloyati Chust tumanida tadbirkor Erkin Yuldashev qurgan ko‘p qavatli uy 3 yilga bormasdan cho‘ka boshladi. «Big house» kompaniyasi ko‘targan bino devorlarida katta yoriqlar paydo bo‘lgan, binodagi 16 ta xonadon egalari bu uyda yashash xavfli ekanini ta'kidlashmoqda. 

Erkin Yuldashev, shuningdek, bitta uyni 2-3 mijozga shartnoma asosida sotib pulni o‘zlashtirib yuborgani haqida jiddiy ayblovlar bor.  Aldangan mijozlarning rasmiy murojaatlarini ichki ishlar organi ham, prokuratura ham inobatga olmayapti. 

«Biz 2023 yili Chust tumanida Big House firmasidan kvartira sotib olganmiz. Quruvchi firma rahbari Yuldashev Erkin bu uyni yana boshqa mijozlarga ham sotgan ekan. Uyni 2025 yil avgust oyida notariusda rasmiylashtirayotgan paytimiz mulkdorlar bir nechta ekanini bilib qoldik. Shundan beri prokuratura va ichki ishlarga qayta-qayta ariza yozganmiz. Lekin jinoyat ishi ochilmayapti» deydi aldangan mijoz.  

Huquqni muhofaza qilish organlari nega firibgarlikka ko‘z yumib, Big house kompaniyasi haqidagi shikoyatlarga panja ortidan qarayapti?  Bu loqaydlik va ishni paysalga solishning sababi nima, narxi qancha? Biroq shikoyat arizalari ko‘rib chiqilmayapti. Mahalliy prokuratura uy bozoridagi firibgar tadbirkorni qachon qonuniy javobgarlikka tortadi?