Zarafshon – chiqindiga botgan oltin saltanati

Zarafshon – mamlakatning oltin gultoji. 2025 yilning boshidan sentyabriga qadar O‘zbekistonning oltin eksporti rekord darajaga yetdi – 9.9$ milliard dollar. Bu umumiy eksport daromadining 30 foizini tashkil qiladi. Yirik konlarning aksari Navoiy viloyatida joylashgani ma'lum. Viloyatning asli eng boy shahri bo‘lgan Zarafshon esa ayanchli ahvolda. Ko‘chalar chiqindiga to‘lgan, chiqindixonalar to‘lib-toshgan.

Shahar ma'muriyatidan yo‘llarni tekislash, bog‘cha, maktab va bannisalar qurishga pul ajratishni so‘ramaymiz. Zotan oltin eksportidan tushgan daromadning tiyin-tiyini ham Zarafshon hokimligi nazoratida emas. Lekin yon atrofni tozalab, chiqindini vaqtida yig‘ib olishga shahar byudjetining qurbi yetsa kerak. Antisanitariya, qo‘lansa hid va behuzur manzaradan odamlarni qutqaring.