G‘afur Rahimov o‘g‘riboshi emasmi?

Xalqaro boks uyushmasi (AIBA) prezidentligi uchun 2-3 noyabrda o‘tadigan saylovda o‘z nomzodini qo‘ygan o‘zbekistonlik 66 yashar G‘afur Rahimov jinoyat olamiga aloqasi yo‘qligini isbotlashga urinmoqda.

AQShning Around the Rings nashriga bergan intervyusida Rahimov uning jinoyat olamiga aloqadorligi haqidagi «noto‘g‘ri ayblovlarni Gulnora Karimova va uning guruhi» 2010 yili tarqatishga kirishgani haqida bildirdi.

Shuningdek, 2018 yilning sentyabrida O‘zbekiston bosh vaziri o‘rinbosari Ochilboy Ramatov imzosi ostida AIBA ijroqo‘miga xat jo‘natildi. Unda «G‘afur Rahimovning jinoiy o‘tmishi haqidagi har qanday iddao asossiz ekani» bildirildi.

«Biz bu zaif chiranishlarga ancha batafsilroq izoh bergan bo‘lardik, ammo ba'zan bitta fotosurat mingta so‘zdan ko‘ra ko‘proq ifoda beradi», deya bildirdi G‘afur Rahimovning jinoyat olamining o‘nta  yetakchisi bilan tushgan rasmini e'lon qilgan «Asiaterra-info» mustaqil nashri.

Curatda: «qonundagi o‘g‘ri»lar Vladimir Tyurin (Tyurik), Aslan Usoyan (Ded Xasan), G‘afur Rahimov, «Sochi smotryashiysi» Guseyn Guseynov (Kolya Guseyn), «qonundagi o‘g‘ri» Emil Sarkisyan, «qonundagi o‘g‘ri» Giya Dangadze; pastda: «qonundagi o‘g‘ri» Vaxtang Kardava (Vaxo Suxumskiy), «qonundagi o‘g‘ri» Alik Minalyan (Alik Sochinskiy), «Leninskiy» guruhi atalmish to‘da ishtirokchisi Sergey Kozubenko (Serega Omich), «qonundagi o‘g‘ri» Artyom Demurov (Artyusha)lar aks etgan.

Fotosurat dastlab, Rossiya o‘g‘rilari dunyosiga bag‘ishlangan «Praym Kraym» saytida chop etilgan.

Eltuz.com