Navoiyda horijiy mehmonni kutib olish uchun o‘qituvchilardan 200 mingdan pul yig‘ildi

Navoiy davlat universiteti San'at va sport fakultetining «Jismoniy madaniyat» kafedrasida o‘qituvchilardan 200 ming so‘mdan majburiy ravishda pul to‘planayotgani haqida Eltuzga ma'lumot kelib tushdi. Xabar beruvchining aytishicha, kafedra ustozlari chet eldan keladigan professorni kutib olish va kuzatish uchun ushbu mablag‘ni topshirishlari talab qilingan.

Iddaolarga ko‘ra, «eshitmadim, ko‘rmadim, oylikdan emas» kabi bahonalar qabul qilinmasligi bildirilgan. Anonim manba bu holat fakultetda doimiy va odatiy holga aylanganini ta'kidladi.

Chetdan kelgan mehmonlarni kutib olish universitet rahbariyati mas'uliyatimi yoki bu vazifa o‘qituvchilar zimmasiga yuklanyaptimi?

Ma'lumotni yuborgan shaxs o‘z xavfsizligi uchun sir saqlanishini so‘radi.