O‘zbekiston naqd pulni cheklash bo‘yicha dunyoda eng oldinda

Endilikda kvartira, mashina, spirtli ichimliklar va 25 mln so‘mdan qimmat suvni O‘zbekistonda faqat karta yoki raqamli bank tizimi orqali sotib olish mumkin bo‘ladi.

O‘zbekiston Respublikasi hukumati norasmiy iqtisodiyotga qarshi kurashish va naqd pulsiz to‘lovlar ulushini oshirish maqsadida dunyoda misli ko‘rilmagan cheklovlarni joriy qildi. 

Xalqaro va mahalliy OAVlar, jumladan Bloomberg nashrining yozishicha, O‘zbekiston naqd pulga sotuv taqiqlangan tovarlar ro‘yxati bo‘yicha birinchi mamlakatga aylandi.

Prezident farmoniga ko‘ra, 2026 yil 1 apreldan boshlab quyidagi tovar va xizmatlar uchun naqd pul bilan hisob-kitob qilishga qat'iy taqiq o‘rnatiladi:

• Ko‘chmas mulk: Kvartira, uy, bino va inshootlarni sotib olish.

 • Avtomobillar: Barcha turdagi (10 yildan oshmagan) avtotransport vositalarini sotish va sotib olish.

 • Qimmat xaridlar: Narxi 25 million so‘mdan (taqriban $2000) yuqori bo‘lgan barcha tovar va xizmatlar (ayrim qishloq xo‘jaligi mahsulotlari bundan mustasno).

 • Alkogol va tamaki: Spirtli ichimliklar va tamaki mahsulotlari (narxidan qat'i nazar).

 • Yonilg‘i va kommunal: AYoQShda yoqilg‘i, elektr energiyasi, tabiiy gaz va hatto ichimlik suvi uchun to‘lovlar.

 • Davlat xizmatlari: Barcha davlat organlari tomonidan ko‘rsatiladigan xizmatlar.

Rasmiylar ushbu choralar orqali korruptsiya va naqd pul bilan maosh berish kabi norasmiy iqtisodiy faoliyatni keskin kamaytirishni maqsad qilgan. 

Fuqarolar endi yuqorida keltirilgan xaridlar uchun faqat bank kartalari yoki elektron to‘lov tizimlaridan foydalanishi shart bo‘ladi.