Iqbol tabib 10 sutkaga qamaldi

Tabiblik bilan shug‘ullanib, xalq orasida “Bio nur” sohibi sifatida tanilgan Iqbol Saliev 10 sutkaga ma'muriy qamoqqa olindi.

Jinoyat ishlari bo‘yicha Qo‘qon shahar sudining 2025 yil 17 dekabrdagi qaroriga ko‘ra, 54 yashar Iqbol Saliev Ma'muriy javobgarlik to‘g‘risidagi kodeksining 59-5-moddasi 3-qismi — xalq tabobati to‘g‘risidagi qonunchilikni buzishda aybli deb topildi.

Shu bilan birga, birinchi instantsiya sudining mazkur qarori ustidan taraflar qonunda belgilangan tartib va muddatlarda Farg‘ona viloyati sudining jinoyat ishlari bo‘yicha sudlov hay'atiga apellyatsiya yoki kassatsiya tartibida shikoyat berish huquqiga egaligi ma'lum qilindi.

Iqbol Saliev bungacha ham javobgarlikka tortilgan. Xususan, 2025 yil 10 yanvar kuni Jinoyat ishlari bo‘yicha Qo‘qon shahar sudining qarori bilan u Ma'muriy javobgarlik to‘g‘risidagi kodeksining 59-5-moddasi 1-qismida nazarda tutilgan huquqbuzarlikni sodir etgan deb topilib, unga BHMning 20 baravari miqdorida ma'muriy jarima solingan edi.

Iqbol tabibning mijozlari uning uyi o‘ngida o‘n kutishlariga to‘g‘ri keladi. Ungacha Iqbol tabib qamag‘da qamoxona nozirlarini davolab turadi.