Ota va is gazidan vafot etdi

Karmanada yosh oilaning 4 nafar a'zosi is gazidan zaharlandi. Oqibatda 30 yoshli Sevdiyor Yarashev hamda uning 4 yoshli o‘g‘li Samirjon vafot etdi. Oila bekasi va kichik farzand shifoxonada jonlantirish bo‘limida. 

Holat Sardoba mahallasidagi 2 qavatli uylarning birida sodir bo‘lgan. Ushbu mahallada 2 qavatli uylar ko‘p. Eltuzga kelgan ma'lumotlarga ko‘ra, ushbu “dom”lar qishda markazlashgan holda isitiladi. 

2-3 yildan buyon bu ko‘p qavatli uylarni markazlashgan holda isitishda muammolar bo‘lgan. Shu sababli, u yerda yashovchi oilalar uylarini alohida isitish choralarini ko‘rishadi. Bu esa bir oilani parokanda qildi.

Karmana tumani hokimligi baxtsiz hodisa sabablarini o‘rganish bo‘yicha maxsus komissiya tuzgan.