Mahalla yettiligi tundan tonggacha majlisda

To‘g‘ri gap tug‘ishganingga yoqmaydi. Mahalla yettiligi deb nomlangan yugurdaklar bir sutkada nechi soat ishlashi kerak o‘zi? Toshkent shahar Mirzo Ulug‘bek tumanida mahalla yettiligi soat 21:00 da ham majlis bilan band. Kechasi majlisda qatnashib ertalab yana8 dan ishxonaga borgan xodimning samaradorligi nolga teng.

Buni anglash uchun favqulodda o‘tkir tafakkur shart emas aslida.  Majlislar xo‘jako‘rsinga, allaqanday byurokratik topshiriqlarni bajartirish uchun nazorat mexanizmiga aylanib qolgan. Boshliqlar esa yuqoridagilar ko‘zida o‘zini ishchan ko‘rsatish bilan ovora.