General Rustam Inoyatov O‘zbekistonning bosh baliqchisiga aylandi

O‘zbekiston prezidentining baliqchilik tarmog‘ini jadal rivojlantirishga doir qo‘shimcha chora-tadbirlar to‘g‘risidagi qarorining ijrosi bosh vazir Aripov, bosh prokuror Murodov va sobiq MXXning sobiq raisi Rustam Inoyatov zimmasiga yuklatildi.

Karimov davridagi siësiy qatag‘onlarning “asosiy ijrochisi” deya ko‘riladigan Inoyatov joriy yil yanvarida ishdan olingani ortidan MXX “rebrending” qilinib, DXXga aylantirilgan edi.

O‘zbek faollari Rustam Inoyatov jinoiy javobgarlikka tortilishi kerak, degan talablarni saslantirib keladi.

Rassom Kirpi esa “mamlakatning bosh baliqchisiga” aylangan Inoyatov boshiga o‘tgan yili “mamlakatning bosh tovuqboqariga” aylantirilgan sobiq bosh vazir o‘rinbosari Rustam Azimovning kuni tushadi, degan kayfiyatni aks ettiradigan hajviy surat chizdi.

Rassom Kirpi
Eltuz.com