Prezident kimni dushman dedi?

Negadir bugun ishongim keldi shu odamning gaplariga. Ayniqsa, ko‘cha tozalayotib yuk mashinasi ostida o‘lgan o‘qituvchi Diana haqida «Xuddi meni deb o‘lgandek deb tushundim», deyishi boshqacha ta'sir qildi.

Shu bilan birga, prezident yig‘ilganlarga qarata «Shunaqa ishlar bilan dushmanlarning tegirmoniga suv quymang» va «O‘qituvchi, talabalarni ko‘cha supurtirib dushmanlarimizni xursand qilmang», deganida dushman deb kimni nazarda tutganini tushunmadim.

Janob prezident! Necha yillardan beri byudjet xodimlari va talabalarning ko‘cha va dala ishlariga jalb qilinishini qoralab kelgan biz – ichkari va tashqaridagi o‘zbek jurnalistlari, faollari dushmanmizmi yoki qo‘ltig‘ingiz tagiga va poyingiz ostiga uzala tushib olib, ko‘zingizni bo‘yab, o‘qituvchilarni «Haromilar! Shakallar! Ifloslar!» deb haqorat qilib mardikorga aylantirib olganlar dushmanmi???

Dushman kim, Shavkat Miromonovich?

Ulug‘bek Ashur,
eltuz.com