Turkmaniston prezidenti tashrifi aks etgan rasmlarni o‘chirish talab qilindi

Nukus ko‘chasiga burilishdagi, oldingi vinzavod ro‘parasidagi oziq-ovqat do‘koniga qarab ketyapman. Qarasam, bayramona kiyingan militsionerlar, bayroqcha ushlagan talabalar saflanib turishibdi. Telefonimda rasmga ola boshladim.

Na militsionerlar, na o‘qituvchi erkaklar e'tibor qilishmadi. Aksincha, qo‘llab-quvvatlashdi, tasvirga olish kerak, axir bu xotira. Bunaqasi ko‘pam bo‘lavermaydi, butun trassa bo‘ylab yoshlarning bayroqcha ushlab turishganini sovet filmlarida ko‘rganman, Fidel Kastroni kutib olishganida.

Shunda birdan mening oldimga «ongli grajdanka» keldi (men nimanidir suratga olayotganimda baqirib qoladiganlarni shunaqa deb atayman).

«Suratga olmang! Sizni hozir olib ketishadi». Men tushuntirib o‘tirmadim, odamlar tashrifni o‘z balkonlaridan va boshqa joylardan turib suratga olishyapti-ku.

Keyin g‘azabnok va qoralovchi nazar bilan tikilayotgan bu ayolni tag‘in uchratdim. Uning talabalar bilan gaplashishi ohangidan bildimki, o‘qituvchi bo‘lsa kerak. Do‘kondan chiqishim bilanoq yuzi oqarib ketgan militsioner va fuqaro kiyimidagi kimsa chopib keldi.

«Bizga sizni suratga oldi, deb aytishdi. Ko‘rsating!» Men ularga qo‘llarida bayroq ushlab, kulib turgan bir qancha talabalarning suratlarini ko‘rsatdim. O‘chirishga majbur qilishdi. Uyga qaytdim, o‘g‘lim bu manzarani ko‘rgani, allaqachon ijtimoiy tarmoqqa qo‘yishganini aytdi.

Ehtimol ularga ko‘cha supirtirishib to‘g‘ri qilishar…

Umida Ahmedova
Eltuz.com