Dissident yozuvchi bilan «Gurung» erkinlik alomatimi?

Taniqli o‘zbek dissident adibi, 67 yashar Mamadali Mahmudov 13 noyabr kuni O‘zbekiston Milliy axborot agentligi – O‘zAning «Gurung» loyihasi ilk mehmoni bo‘ldi.

Yozuvchining ta'kidicha, so‘nggi bor u rasmiy matbuotda 27 yil burun chiqishlar qilgan.

Garchi bu suhbat yozuvchiga nisbatan taqiqlarning olib tashlanishi alomati bo‘lsa-da, yozuvchining og‘ir qismati haqida ko‘rsatuvda deyarli hech narsa deyilmaydi.

Mamadali Mahmudov 1999 yilning avgustida «jinoiy uyushma»ga a'zoligi va O‘zbekiston prezidenti Islom Karimovni haqorat qilgani haqidagi uydirilgan aybnomalar bilan qamaldi.

Qamoqqa olinguniga qadar u O‘zbekiston Madaniyat jamg‘armasi raisi lavozimida bo‘lgan.

Yozuvchi «Erk» partiyasi raisi Muhammad Solihning do‘sti bo‘lgani uchun unga qasd qilib qamoqqa olishgani va tergov paytida unga qiynoqlar qo‘llanilganini aytib keladi.

17 yil qamoqda bo‘lgan yozuvchi Mamadali Mahmudov 2013 yilning 19 aprelida ozod etilgan edi.

Eltuz.com