Rassom Tuz: Pompeyaning oxirgi kuni

Bundan 10 yilcha oldin Pragada darë toshib, uylarni g‘arq qiladi degan gapni ofatdan bir kun oldin aytishdi. Qiziq tuyg‘u edi bu. Mana darë. Mana uylar. Mana shahar. Hali falokat yuz bermadi. Lekin yuz berishi aniq. Faqat odamlarni evakuatsiya qilishdi. Tabiiy ofat baribir kelishi va uylarni g‘arq qilishini bilish va bunga qarshi hech narsa qila olmaslik hissini yashadi shahar. Bu ofat oldidagi ilojsizlik edi. 

Bugun aljiragan savodsiz mullalar ketida yuguraëtgan O‘zbekistondagi olomonni ko‘rib, bu mamlakatning ertaga chuqur falokat ostida qolishi, hozirgi Afg‘onistondan battar radikalizm botqoqiga botishini aniq bilib turibman. Tabaqalashishi barobarida astronomik darajada ong va tafakkurdan mosuvo bo‘lgan maymunlar galasiga aylanmoqda butun bir xalq. Kecha Eltuz Bosh muharriri Qudrat Bobojon bir gap aytdi: «1990 yilda ektrasens Aanatoliy Kashpirovskiy O‘zbekistonga kelib, bularni afsun qilib, miyasi ishlamaydigan bir xujayrali amëbalarga aylantirib ketgan». Gapning bo‘ladigani shu. Bu mamlakatning oti o‘zmaydi. Xalqi farovon bo‘lmaydi. Savodsizlik ënida esa vaxshiy jaholat keladi. 

Cho‘lda to‘rt o‘zbek bir xotinni quvalab yurgan videosini ko‘rdik. Bu bir ishorat. Xamir uchidan patir. Ertaga bundan battar bo‘ladi. Buni bilib turib, bu ofatga qarshi turolmaslikdan odam dahshatga tushadi. Bundan 10 yilcha oldin Pragada bo‘lgani kabi odamlarni ofat zonasidan evakuatsiya qilish mumkin. 

Bu ofatni oldindan sezganlar bor budini sotib, Meksika cho‘llarida AQShga o‘taman deb, sargardon yuribdi. Keyingi 4 oyda Rossiyaga ketaëtgan o‘zbeklar oqimi chandon kattaygan. Yerni jinsiy olatiga bo‘lsa ham ketishga tayër odamlar. Rahbarlarning deyarli hammasi G‘arb va AQShda¸ Turkiya ëki Dubayda xovli-joylar sotib olib, zapasnoy aerodromni tap tayër qilib qo‘yibdi. Chexiya kadastrini qarasangiz, o‘zbek vazirlari familiyasi bilan bir xil bo‘lgan ismlar nomiga olingan villalarni ko‘rasiz. Kemaga tushganni joni bir emas. 

Kimlardir mamlakatni g‘arq qiladigan jaholat qurboni bo‘lib, zombilandda yashashga mahkum. Sharqdagi ilm mash'ali bo‘lgan O‘zbekistonning diniy tanazzul botqog‘iga o‘ta katta tezlikda cho‘kaëtganini ko‘rib turish unchalik ham maroqli tomosha emas. Matnga ilova qilingan rasm «Pompeyaning oxirgi kuni» deb ataladi.

@eltuz2022