Umida Niyozova: Karra sonlar o‘rni almashgan bilan natija o‘zgarmaydi

So‘nggi vaqtlarda deyarli har kuni hokim yoki hokim o‘rinbosarlari pora olgani sabab qo‘lga olingani haqida xabarlar chiqmoqda. Albatta, poraxo‘rlarni ushlanib, javobgarlikka tortayotilayotgani yaxshi. Lekin shundan keyin korruptsiya kamayib yoki butkul yo‘qolib ketadimi? 

Katta ehtimol bilan yo‘q. Chunki ularning o‘rniga kelgan yangi odamlar ham xuddi shunday vakolat va imkoniyatlarga ega bo‘lib, pora olishni davom ettirishlari mumkin. Faqat yangicha sxemalar o‘ylab topib, bundan buyon juda ehtiyotkorlik bilan harakatlanishadi.

Chunki korruptsiya — bu ko‘proq qo‘rquv emas, balki vasvasa alomati. Ya'ni, tez va mehnatsiz katta summaga ega bo‘lish imkoniyati bo‘lsa — bunday vasvasaga dosh berish qiyin. 

Shuning uchun, eng avvalo har jabha ma'muriyatida inson omilini kamaytirish kerak, boshqaruv apparatining korruptsiya uchun imkoniyatlari minimal darajada bo‘lishi lozim.

Eng asosiysi, korruptsiyaga qarshi kurashish uchun haqiqiy so‘z erkinligi zarur. Ammo haqiqiy so‘z erkinligi o‘zbek jamiyatining ustuvor qadriyatlariga tahdid sifatida ko‘riladi. So‘z erkini talab yetishga, hazm qilishga jamiyat tayyormi?