Arava sinsa o‘tin, qolganlar sham yorug‘ida

Bu muammo O‘zbekistonning qo‘shni Afg‘onistonga elektr eksport qiluvchi hududlarni ham chetlab o‘tayotgani yo‘q.

O‘zbekistondagi elektr o‘chishi bilan bog‘liq azaliy muammolar, korruptsiya va poraxo‘rlikning urchishi uchun ham sharoit yaratmoqda.

Xususan 23 sentyabr kuni Jarqo‘rg‘on tumaniga kelgan Surxondaryo viloyat elektr idorasi direktori o‘rinbosari Jumaev Mamarasul muammolar yechimi sifatida elektroset xodimlaridan 13 kishiga majburlab ishdan bo‘shash haqida ariza yozdirgan.

Biroq ular ketgach faqat uch kishigina – A. Qodirov, R. Atamuradov va U. Qo‘ldoshevlar ishdan bo‘shatildi, “400 dollardan tegishli porani bermaganlari uchun”, deydi ma'lum sababga ko‘ra o‘z ismini aytishni istamagan eltuz.com manbasi.

Biroq, Surxondaryo viloyat elektr idorasi direktori o‘rinbosari Jumaev Mamarasulning chindan ham qolgan arizago‘ylardan pora olgani olmaganiga oid gaplarni rasmiy manbalar orqali tasdiqlash imkoni bo‘lgani yo‘q.

“Ishdan bo‘shash haqida ariza bergan qolgan to‘qqiz nafar shaxs ish joyida qoldi. Muammolar esa sira o‘zgargani yo‘q, hamon qorong‘ida, sham yorug‘ida o‘tiribmiz”, deydi jarqo‘rg‘onlik ayol.

Muqaddas Ro‘zimurodova
Eltuz.com