Diqqat, yangi tahdid – «vatansizlik»!

«Ma'naviyat sohasidagi eng jiddiy xavfli tahdid vatansizlik g‘oyasidir. Mafkuraviy kurash arsenalida vatansizlik eng xavfli qurollardan biri hisoblanadi», deb yozdi gazeta.

Shuningdek, gazetada vatansizlik g‘oyasiga izoh ham berilgan. Uning bildirishicha, «bu g‘oyaning xatarli tomoni shundaki, u beozorgina ko‘rinsa-da, shaxsning o‘z tug‘ilgan yurtiga, xalqiga, davlatiga bo‘lgan mehrini, sadoqatini yemiradi».

Gazeta «G‘arbning olomoncha madaniyati» masalasiga ham to‘xtalib, bir jinsli nikoh haqida munozara qiladi.

«Hozirgi kunda Yevropaning 14 davlatida bir jinsli nikohdan o‘tishdek inson zoti uchun sharmandali holat qonun bilan mustahkamlanib qo‘yildi», deyiladi nashrda.

«Bu o‘lkalarda odamzod yaratgan ming yillik axloqiy qadriyatlar barbod bo‘layotgan, axloqsizlik ko‘rinishidagi ma'naviy xatar avj olayotgan shunday qaltis vaziyatda «bular bizni chetlab o‘tadi» deb xotirjam yashash mumkinmi? Yo‘q. Aslo mumkin emas», deya xulosa qiladi gazeta.

Etuz.com