Masjid imomi o‘g‘il bolani zo‘rlaganlikda gumon qilinmoqda

Qirg‘iz matbuotining bildirishicha, 18 iyun kuni militsiyaga murojaat qilgan jalolobodlik ayol, qishloq masjidi imomining o‘z o‘g‘lini zo‘rlagani haqida ariza yozgan.

Gumonlanuvchi shu munosabat bilan ushlangan, unga nisbatan tegishli ekspertlar tayinlangan.

Ozodlik radiosining qirg‘iz xizmatiga ko‘ra, «Oilaga qo‘shni bo‘lgan imom, bolaga har safar 50 so‘mdan berib, ikki oy davomida uni zo‘rlab kelgan», Tibbiyot ekspertizasi jinsiy zo‘rlash faktini tasdiqlagan, gumonlanuvchi ham o‘z aybiga iqror bo‘lgan.

Gumonlanuvchining oilalik, ilgari sudlanmagani ma'lum. Ushlangan shaxsga nisbatan jinoiy ish qo‘zg‘atilgan. Biroq bu, fosiq mullalar qilmishiga oid ilk yangilik emas.

Shu yil aprel oyining oxirlarida Turkiyada ham ikkita maktab o‘quvchisini zo‘rlagan imomning qo‘lga olingani, tintuv payti masjidda juda ko‘p miqdorda homiladorlikka qarshi tabletkalar topilgani haqida xabarlar bosilgandi.

Bundan ilgari esa Jalolobodga qo‘shni O‘sh viloyatidagi Qirg‘iz-turk madrasasi tarbiyachisi 9 yashar o‘g‘il bolaga nisbatan jinsiy tajovuzda ayblanib xibsga olingandi.

Uzoq cho‘zilgan mahkama avvaliga pedofil madrasa muallimini ruhiy kasalga chiqargan, keyinchalik esa viloyat sudi materialni qayta surishtiruvga jo‘natgan, mazkur instantsiya mahkamaning so‘nggi qarorini kuchda qoldirgan edi.

Mahkama o‘z yo‘liga, biroq qo‘li ostida 50 tarbiyalanuvchi bo‘lgan pedofil mullaning fosiqligi o‘shanda 9 yashar o‘g‘il bolaning bir umr nogiron bo‘lishiga olib kelgan edi.

Shuningdek, g‘arb matbuoti, ruhoniylar orasida nikohsizlik ahdini qabul qilish keng odat bo‘lgan katolik cherkovi tomonidan ham voyaga yetmagan o‘g‘il bolalarga nisbatan ko‘plab jinsiy tajovuzlar bo‘lib kelayotgani haqida yozadi.

2014 yilning aprelida, jumladan bugungi Rim papasi Frantsisk ruhoniy-pedofillar tomonidan cherkovga yetkazilgan zarar uchun kechirim so‘rab chiqish qilgan edi.

Eltuz.com