«Siti» xalqdan or qildimi?

Qishloqi qiz shahardagi boy oilaga kelin bo‘lib tushgach, o‘z urug‘laridan uyalarkan: «Kevurmanglar kir-chir bo‘lib. Bizani uyimizaga faqat chiroyli kiyingan boy odamlar keladi».

Xuddi shunga o‘xshash holat bugun «Toshkent siti»da. U yerda viloyatlik, «Ippodrom»dan arzon kiyim olib kiyadigan odamlar yurishini boylar xohlamayapti.

Aslida tarix takarrur qilmoqda. Hozir Toshkentdagi Amir Temur haykali turgan xiyobonda ham chor davrida eski shahar aholisi kirishi taqiqlangan edi.

O‘ris oyimchalar va oppoq marjalar oq shamsiya tutib yurganda yirtiq to‘n kiygan qop-qora odam tirjayib yursa, umumiy manzara buziladi. O‘shanda «Sartlar va itlar kirishi mumkin emas», deb ëzib qo‘yilgan edi. Xullas, or qilinadigan xalqqa aylandi bu 33 million.

Rassom Tuz, eltuz.com