Shved parlamentiga o‘zbek siyosiy mahkumlarini ozod etish rejasi taklif etildi (video)

18-19 oktyabr kunlari Shvetsiya poytaxtida o‘tgan tadbirlarda O‘zbekistondagi bugungi siyosat, So‘z erkinligi, vijdon mahkumlari va paxtachilikdagi majburiy mehnat muammolari muhokama etildi.

Shved jamoatchiligini shuningdek geopolitika, jumladan mamlakatga Rossiya nazoratining qaytishi havfi ham qiziqtirdi.

Uchrashuvlar natijasida shved parlamenti va yevroparlament a'zolari orqali o‘zbek hukumatidan siyosiy mahkumlarning ozod etlishini talab qilish tashabbusi tug‘ildi.

O‘zbek siyosiy faoli Po‘lat Oxunovning fikricha, mamlakatda Konstitutsiyaning 24 yilligiga atab e'lon qilingan amnistiya arafasida, shved parlamenti vakillarining o‘zbek hukumatiga nohaq qamalgan o‘zbek siyosiy mahkumlarning ozod qilinishini so‘rab maktub yozishi dolzarb ahamiyatga egadir.

23 yilu 4 oydan buyon qamoqda qolayotgan siyosiy mahkum, sobiq deputat va «Erk» Demokratik partiyasining a'zosi 72 yashar Samandar Qo‘qonovga¸ qamoqxona ichki qoidalarini buzdi, deya yana yangi jazo tayinlash maqsadida tergov harakatlarining boshlangani haqidagi xabar shved jamoatchiligi va parlamenti vakillari junbushga soldi.

Shu munosabat bilan shved rasmiylariga zudlik bilan ozod etilishi kerak bo‘lgan o‘zbek siyosiy mahkumlarining ro‘yxatini taqdim etish haqida qaror qilindi.

Qudrat Bobojon
Eltuz.com