IIV: Bir yilda 230 nafar militsiya xodimi jinoiy jazoga tortilgan

Ichki ishlar vaziri, 57 yoshli Po‘lat Bobojonov o‘tgan yili «IIVning 230 nafar xodimi jinoiy javobgarlikka tortilgani, 8 ming 32 nafar xodimga intizomiy chora ko‘rilgani»ni aytdi.

Bu haqda ichki ishlar vaziri 18 fevral kuni O‘zA muxbiriga bergan intervyusida bildirdi.

«Biz domiy ravishda saflarimizni nopok xodimlardan tozalab kelmoqdamiz», dedi vazir o‘z intervyusida.

Po‘lat Bobojonov 2017 yilning sentyabrida boshqa ishga o‘tkazilgan ichki ishlar vaziri Abdusalom Azizovning o‘rniga tayinlangandi.

2017 yil davomida O‘zbekiston Ichki ishlar vazirligida uch vazir almashdi.

2017 yilning 25 yanvarigacha IIVni Islom Karimov tomonidan tayinlangan Adham Ahmadboev boshqardi, Mirziëev prezident bo‘lgach, fevral oyiga kelib uzoq yillar IIVda tergovchi bo‘lgan Abdusalom Azizov bu lavozimni egalladi.

Lekin bir oy o‘tmay prezident uning o‘rniga xalq orasida «murosasiz nemis» degan nom chiqargan Po‘lat Bobojonovni tayinladi.

Prezident Shavkat Mirziyoev 2018 yilning 22 yanvar kuni bo‘lib o‘tgan majlisda sobiq ichki ishlar vaziri Adham Ahmadboevni «sotqinlik»da aybladi.

Yig‘ilishdan ko‘p o‘tmay, 26 yanvar kuni Prezident gvardiyasi, Ichki ishlar va Bosh prokuratura xodimlaridan tuzilgan qo‘shma tezkor guruh tomonidan Ahmadboev hibsga olindi.

Rassom Kirpi
Eltuz.com