«Ma sanga, ma sanga! Nima qoldi Xasanga?»

O‘zbekistonning tashqi qarzi rekord darajaga yetib – 65 milliard dollarga yaqinlashdi va bu qarzning katta ulushi byudjet uchun ajratilmoqda. Iqtisodiyot va moliya vazirligi hisob-kitobiga ko‘ra, qarzning katta ulushi, ya'ni 45 foizi davlat byudjetini qo‘llab-quvvatlashga yo‘naltirilgan. Ayni paytda qarzga botgan hukumat davlat byudjetidagi pulni dabdaba¸ ko‘zbo‘ëmachilik va piar uchun ishlatilaëtgani faol jamoatchilik bilan bir qatorda xokimiyat moliya tizimida ishlaëtganlarning haqli va jiddiy e'tiroziga sabab bo‘lmoqda.

Toshkent viloyat hokimligining sobiq mulozimi Eltuz muxbiri bilan bog‘lanib byudjet mablag‘larini hoyu havasga sarflanaëtganini tasdiqlovchi moliyaviy hujjatlarni taqdim qildi. Davlat xaridlari aks etgan ochiq manbalardagi manzara ham hokimlik byudjeti Hotami Toy hazinasi kabi o‘nga va chapga maqsadsiz sarflanaëtganidan dalolat beradi.