ChILONZORDA SARTAROSh YIGITGA ShILQIMLIK QILGAN ERKAK QAMALDI

Toshkent shahri Chilonzor tumanida 33 yoshli sartarosh yigitga shilqimlik qilgan 41 yoshli erkak 15 sutkaga qamaldi.

2 iyun kuni soat 20.00 larda mijoz sartaroshga telefon orqali qabuliga yozdirib borishini aytadi. Aytilgan vaqtda keladi va boshqa mijozlarning ketishini poylaydi. Sartarosh bo‘shab unga navbat keladi. Mijoz soqolini kaltalata turib, sartaroshning dastlab soqolini siylaydi, so‘ngra jinsiy a'zosini ushlab, quchoqlamoqchi bo‘ladi.

Sartarosh qarshilik qilgan bo‘lsa ham mijoz uni mahkam quchoqlab olgan. Sartarosh mijozni tepib undan uzoqlashgan. So‘ng mijoz uni haqorat qilgan. “Hammaga berasan, menga bermaysanmi”, deb…

Sartarosh orada hojatxonani bahona qilib “102” ga telefon qiladi. “Hojatxona”dan chiqqan sartaroshga mijoz yana tashlanadi. Ko‘p o‘tmasdan IIB xodimlari voqea joyiga yetib keladi. Holatni to‘liq shikoyat daftariga qayd etgan.

Chilonzor tuman ma'muriy sudida 6 iyun kuni ushbu holat ko‘rib chiqildi. Sudda asli Samarqandlik bo‘lgan 41 yoshli erkak aybiga iqror bo‘ldi. Sartarosh so‘ragan 10 million so‘m ma'naviy zarar undirib berildi. Sud unga 15 kunga qamash jazosini tayinladi.

Shilqim qamag‘da. Sartarosh o‘n million so‘mga boyidi.