OPYeN BYuDJYeT: MANTIQSIZ TAShABBUS OQIBATLARI

Tashabbusli byudjet loyihasining ikkinchi mavsumi boshlandi. Vobkent tumanida har yili 10-11 loyiha g‘olib bo‘lyapti. G‘olib loyihalarning aksariyati maktab va maktabgacha ta'lim boshqarmasi va tibbiyot birlashmasiga tegishli. 

Bu ikki tarmoqda tumanning 7 mingdan ziyod aholisi ishlaydi. Tibbiyot va ta'lim xodimlari uyma-uy yurib ovoz to‘plashadi. Masalan, Shifokor mahallasidagi loyiha Quruvchi mahallasi nomidan rasmiylashtirilgan. Charmagon mahallasidagi 23-maktab ta'miri loyihasi Vobkent mahallasi nomida rasmiylashtirilgan. 

Ustuvorlik faqat maktab va poliklinikalarda: ularning ovoz yig‘ish imkoniyatlari ko‘proq. Qolgan loyihalar esa e'tibordan chetda qolib ketaveradi. Suv ta'minoti, yo‘l ta'miri bo‘yicha kelgan murojaatlar bir necha mavsumlarlan moliyalashtirilmayapti. 

Shundog‘am davlat tuzilmalarining burchi va vazifasi bo‘lgan yo‘l ta'miri, suv ta'minoti, maktab ta'miri ochiq rejalashtirilishi va navbat bilan bajarilishi shart. Bu ishlarni amalga oshirish uchun soliq to‘lovchilar ovoz tilanib, musobaqalashib yurishi mantiqsizlikdan boshqa narsa emas.