Tamila: “Uyatsiz videolarga aloqam yo‘q!”

Bugun 6 fevral kuni xonanda Tamilaning feysbuk sahifasida va uning muxlislari tomonidan tashkillashtirilgan “Je suis Tamila!” guruhida o‘z muxlislari va fan klubi guruxlari ishtirokchilariga videomurojaati paydo bo‘ldi.

Tungi shaharda mashina kabinasida olingan murojaatida xonanda “tarmoqda yaratilgan guruh ishtirokchilari”ga “yagona iltimos” bilan murojaat qilib:

“Menga mutlaqo aloqasi bo‘lmagan o‘sha jirkanch ko‘rinishdagi, ahloqsiz video va fotomateriallar bilan meni adashtirmasliklaringizni so‘rashni istardim, chunki ularning menga hech aloqasi yo‘q”, deydi.

Shuningdek xonanda sal ilgariroq tergov bu materiallarning qalbaki ekanligini aniqlagani, ekspertlarning rasmiy xulosasi esa uning prodyusserlik markaziga taqdim etilgani, haqida ma'lumot beradi.

Hozirda uni qo‘llab quvvatlayotgan hayrixohlariga minnatdorchilik bildirarkan Tamila, 2016 yilning 3 fevralidan buyon Toshkentda ekanini aytadi

“Men o‘zim sevgan shahardaman va bu yerni tark etganim, yana tag‘in qochib ketganim yo‘q deydi videomurojaatida Tamila yengil mashinasi rulini boshqararkan.

Shu o‘rinda behisob savollar tug‘ildi, biroq Eltuz.com nashrining xonandadan intervyu olishga bo‘lgan urinishi esa hozircha samarasiz bo‘ldi. .

Bundan ilgari matbuotda Tamilaning litsenziyasi bekor qilinishiga uning Telegram tarmog‘ida tarqalgan, ketini ochib ko‘rsatgan “behayo videosi” sabab bo‘lgani, Chimkentga chiqib ketgani haqidagi xabarlar paydo bo‘lgan, ayrim manbalar buni tasdiqlagan, shundan so‘ng tarmoqda va saytlarda xonanda tarafdorlari va qoralovchilari o‘rtasida janjallari avj olgan edi.

Shuningdek, o‘z murojaatida xonanda “O‘zbeknavo” estradasi birlashmasi tomonidan litsenziyasi bekor qilingani sabablari, uning nomidan “qalbaki va ahloqsiz” video va fotolarni qo‘ygan shaxslar kimlar va ularga qanday chora ko‘rilganiga ham izoh bermaydi.

Eltuz.com