O‘zbek tarixidagi qonli kun

SSSR Oliy sudi Harbiy kollegiyasining 1938 yil 4 oktyabrdan 16 oktyabrgacha bo‘lgan sayyor yig‘ilishlarida 507 nafar o‘zbekistonlik siyosiy maxbuslar ustidan hukm chiqarilgan.

Harbiy Kollegiyaning 1938 yil 4 oktyabrdagi yig‘ilishida otuv jazosiga hukm qilinganlar ro‘yxatidan bir qism:
Abdulla Qodiriy, Abdulhamid Cho‘lpon, Abdurauf Fitrat kabi millatimizning buyuk adiblari,olimlari va o‘zbek millatining bunyodkorlari;
Rahim Inog‘omov – o‘zbek tili va madaniyatini sovetlashishdan himoya qilish uchun bir siyosiy arboblardan va ziyolilardan iborat guruhni to‘plagan;
Usmonxon Eshonxo‘jaev, Rustam Islomov, Fayzulla Rahimboev, Akbar Islomov, Sa'dullaxo‘ja Tursunxo‘jaev – davlat va jamoat arboblari;
G‘ozi Olim Yunusov – birnchi o‘zbek folklorshunos olim, birinchi jurnalist va birnichi publitsist,
Qayum Ramazon, Otajon Hoshimov, Majid Qodirov, Ziyo Saidov birinchi o‘zbek adabiyotshunoslari,
Po‘lat Soliev – birinchi o‘zbek tarixchisi,
Xudoybergan Devonov – birinchi o‘zbek kinorejissyori, birinchi operator, birinchi fotosuratchi.
Va boshkalar…

Bular va boshqa ulug‘ millatdoshlarimiz, el-yurtdoshlarimiz hukm chiqarilgan kuniyoq 1938 yilning 4 oktyabrida, hozirgi Yunusobod tumani Oqtepadagi qatl xonada qatl etilganlar.

Bu qonli kundan oldinroq Munavvar Qori, Botu,Tavallo,Ubaydulloxo‘ja Asadilloxo‘jaev, Musa Saidjon kabi buyuk va birinchi o‘zbek pedagoglari, yuristlari va shoirlari qatl etilgan edilar, keyinchalik shahidlar safiga Usmon Nosir kabi o‘zbek millatining buyuk o‘g‘lonlari qo‘shildi.

O‘zbek millatining buyuk farzandlari, buyuk bunyodkorlari va ustozlari xotirasi oldida bosh egaylik.
Ularni unutmaylik!

Ular bizga qoldirgan meroslarini asraylik va kelajak avlodlarga qoldiraylik!
Ohiratlari obod, ruhlari shod bo‘lsin!

Anvar To‘ra Nazir,
mustaqil blogger
www.eltuz.com