Mamadali Mahmudov vatanni tark etmoqchi

30 may kuni yozuvchi Mamadali Mahmudovning uyiga uning ruhsatisiz, devor oshib tushgan shaxslarning bosimi adibning keksaygan 75 yoshida ayni qarorga kelishiga sabab bo‘lgan.

Adibning aytishicha, hujjat ko‘rsatmasdan, ismlarini aytmasdan o‘zlarini gaz idorasidan deya tanishtirgan noma'lum shaxslar u yashayotgan uyning devoridan oshib tushib, gaz quvurlarini kesa boshlashgan.

“Hujjatlaringizni ko‘rsating, ehtimol o‘g‘ridirsiz? Ism-shariflaringizni ayting?” deya talab qildim. Biroq ular o‘zlarini tanishtirishdan, hujjatlarini ko‘rsatishdan bosh tortishdi» – deydi adib jurnalist Maloxat Eshonqulova bilan suhbatda.

Tag‘in adibning bildirishicha, 2016 yilga qadar gaz haqini oyma-oy gaz haqini to‘lab kelgan. Gaz xodimlari gaz o‘lchagich o‘rnatilmagan boshqa qo‘shnilari qolib aynan uning uyiga bostirib kirishgan.

Aslida uning hamon tirikligi, yozuvchi ekanligi uchun unga qasd qilishmoqda va u vatanni tark etishga qaror bergan.

«Garchi Adibning mamlakatni tark etishdek alamli qaror qabul qilishga undovchi, majburlovchi sabablar serob», – deya yozadi o‘z blogida jurnalist Maloxat Eshonqulova.

Pogonli shaxslar tomonidan yozuvchining Qirg‘iziston ziyoratiga borishiga, keyinchalik esa Qozog‘istonga borishiga monelik ko‘rsatilgani, yozgan asarlarining bosilmayotgani, turmada behisob kasalliklar orttirgani va davolanish ehtiyoji borligini ham sanash joiz.

Yozuvchi Mamadali Mahmudov (1940) 17 yil yil qamoqda bo‘ldi va 2013 yilning 19 aprelida ozod etildi.

1999 yilning avgustida u Toshkentdagi fevral voqealariga aloqadorlikda va O‘zbekiston Konstitutsion tuzumiga tajovuzda ayblanib qamoqqa olindi.

Mamadali Maxmudovga qarshi jinoiy ish uydirilishi sababi uning siyosiy faoliyati bilan bog‘liq.

Yozuvchi terror aktlariga aloqasi yo‘qligi va «Erk» partiyasi raisi Muhammad Solihning do‘sti bo‘lgani uchun unga qasd qilib qamoqqa olishgani va tergov paytida unga qiynoqlar qo‘llanilganini aytib keladi.

Qamoqqa olinguniga qadar u O‘zbekiston Madaniyat Jamg‘armasi raisi lavozimida bo‘lgan.

Adibga moddiy ko‘mak ko‘rsatishni istovchilar, quyidagi manzil orqali tahririyatimizga yozishlari mumkin: [email protected]

Eltuz.com