Andrey Kubatin, 37-yildagi kabi ayblar bilan qamalgan olim

Toshkentlik turkshunos olim Andrey Kubatinga o‘tgan yilning dekabrida Harbiy sud tomonidan berilgan 11 yillik muddat, yaqinda besh yilga tushirildi.

Sud talqiniga ko‘ra, Kubatin «Institutning elektron bazasidagi mahfiy ma'lumotlar»ni turk olimi Tarix fanlari professori Sulaymon Qiziltuproqqa «sotganlik»da va «turkchilikni targ‘ib qilish»da ayblangan.

«Men ham o‘sha turk olimi bilan hamkorlik qilganman, demak chekistlar ta'biri bilan aytganda, men ham Andrey Qubatinga o‘xshab, Davlatning adabiy-badiiy «sirlarini sotib», Vatanga «xiyonat» qilgan» ekanman», deya yozadi o‘z feysbuk sahifasida hamkasbi himoyasiga chiqishlar uyushtirayotgan Zarif Sultoniy.

U va boshqa olimlar ijtimoiy tarmoqda Andrey Kubatin ozodligi uchun aktsiyalar boshlashgan, prezident nomiga uning ozodligini so‘rab, murojaatlar uyushtirishda davom etishmoqda.

Eltuz.com