Qodirovning to‘g‘ri gapi

Tarmoqning o‘zbek segmenti siësatchi Alisher Qodirovni sevmaydi. Kamsitadi va qildan qiyiq axtarib uni yerdan olib yerga uradi. Davlat mulozimi va yarim stavka populist Kusherbaevga telebalarcha oshiq tarmoq negadir Qodirovning nimaga qodir ekanligini anglashda ojizlik qiladi. Kusherbaevning aykyusi (kalla ishlash darajasi) tsirkda baraban chaladigan ayiq bilan teng. Erdo‘g‘ondan oldingi Turkiyada¸ ministrlarni matbuot ishdan oladigan qudratli bo‘lgan Turkiyada o‘qigan va Gorbachev qayta qurishi so‘ng do‘namining shabbodalaridan bahramand bo‘lgan Alisher Qodirov siz va boshqalar o‘ylagandan ko‘ra ancha zakiy va donishmand. Matbuot bayrami munosabati bilan Alisher Qodirov ëzgan mana bu jumla bunga dalolat:

«Siyosatda murosa va muvozanat – zarurat, OAVning murosasozligi esa to‘g‘rini dorga tortilishida arqonni ushlab turishdek gap. Nafsi aksini talab qilib tursa ham, vaqti va joyini topib to‘g‘risini ayta oladiganlar noyob insonlardir. Bunday insonlar jamiyatning vijdoni sifatida asrab-avaylanishi zarur.»