20 yashar o‘zbekistonlik kiber firibgar Turkiyadan quvildi

Turkiya va O‘zbekiston Ichki ishlar vazirliklari hamkorligida o‘tkazilgan kompleks tezkor-qidiruv tadbirlari natijasida,ilgari bir qator kiberfiribgarlik jinoyatlarini sodir etib, 10 nafardan ortiq O‘zbekiston fuqarolarining mablag‘larini o‘zlashtirib ketganlikda ayblanib qidiruvda bo‘lgan 20 yashar Zohirjonov Umid Dilshod o‘g‘li O‘zbekiston Respublikasi hududiga deportatsiya qilindi.

Ushbu shaxsning noqonuniy xatti-harakatlari oqibatida jabrlangan fuqarolardan O‘zbekiston Respublikasi Ichki ishlar vazirligiga yoki uning hududiy bo‘linmalariga  Istanbul shahridagi Bosh konsulxonasiga murojaat qilishlari so‘raladi.

Ta'kidlaymiz: jinoiy javobgarlikdan qochib xorijiy davlatlarda, jumladan Turkiyada yashiringan har bir shaxsga nisbatan jinoiy ta'qib izchildavom ettiriladi va “jinoyat uchunjavobgarlik” tamoyili qat'iy ta'minlanadi.