Kasbi aholisi Indorama changidan bo‘g‘ilmoqda

Qashqadaryo viloyati Kasbi tumani Fazli mahallasi hududida, yo‘l bo‘yida joylashgan Indorama Agro MChJga qarashli paxtani qayta ishlash zavodi ekologik talablarni qo‘pol ravishda buzmoqda.

Aftidan, zavodda chang‘ zarralarini ushlab qoluvchi filtrlar mavjud emas yoki umuman ishlamayapti. Natijada ishlab chiqarish jarayonida hosil bo‘layotgan chang‘ atrofga tarqalmoqda. 

Chang havo Fazli MFY bilan bir qatorda Deynov, Paxtakor va Oqtepa mahallalaridagi aholi salomatligiga ham salbiy ta'sir qilyapti

Aholi tomonidan Respublika Ekologiya, atrof-muhitni muhofaza qilish va iqlim o‘zgarishi vazirligiga bir necha bor murojaat qilishgan. Ammo bu murojaatlar hozirgacha javobsiz qolmoqda, holat yuzasidan Indoramaga nisbatan aniq choralar ko‘rilmagan.

Indorama agro korxonasi faoliyatini qonun talablari asosida tekshirish, filtr tizimlarini o‘rnatish va zudlik bilan bu ekologik xavfni bartaraf etish shart.