Denovda 11-sinf o‘quvchisi 9-sinfda o‘quvchi qizni zo‘rlab qo‘ydi

Surxondaryo viloyati Denov tumanida joylashgan 64-sonli umumta'lim maktabida 11-sinf o‘quvchisi B.S. shu maktabning 9-sinf o‘quvchisi, N. Sh.ni zo‘rlab jinsiy aloqa qilgan.

Mazkur holat O‘zbekiston qonunchiligiga muvofiq o‘ta og‘ir jinoyat turkumiga kiradi. Jinoyat haqida maktab rahbariyati xabardor bo‘lgan va bu bo‘yicha ichki ishlar organlariga murojaat qilingan.

Biroq hozirga qadar ushbu voqea yuzasidan jamoatchilikka rasmiy va to‘liq ma'lumot taqdim etilmagan. Bu esa tergov jarayonining borishi, uning ochiqligi va xolisligi masalalari bo‘yicha savollarni keltirib chiqarmoqda.

Mavjud ma'lumotlarga ko‘ra, hodisa bilan bog‘liq holatlar bo‘yicha tergovga qadar tekshiruv va protsessual harakatlar olib borilmoqda. Jabrlanuvchi va gumonlanuvchi shaxslar voyaga yetmaganligi sababli, ish tafsilotlari cheklangan tartibda ko‘rib chiqilmoqda.

Ayni paytda mazkur maktabda ta'lim olayotgan o‘quvchilar va ularning ota-onalari orasida xavotir saqlanib qolmoqda.