O‘zini kasalga solgan kino kattasining rostdanam mazasi qochdi

Kinematografiya agentligini komissiya bosdi. Tekshiruv shamolini sezgan kino boshliq Shuhrat Rizaev kasallik varaqasi ochdirib 1 go‘rbanisaga yotib olgan edi. 

Ma'lumotlarga ko‘ra, bu Rizaevning boshqaruv uslubi – KRU tekshirsa ham,  mehnat inspektsiyasi kelsa ham banisaga yotib oladi. 

Agentlikdagi insayderlar ta'kidlashicha, hozir O‘zbekfilm direktori Bahodir Muhammedov Agentlikka o‘tish payida bo‘lmoqda.  Muhammedov Prezident akademiyasini bitirgan, Prezident Administratsiyada ishlagan, kino kuratori bo‘lgan va MTRK raisi Abdurashid Jo‘raboevnining shogirdi deb bilinadi.

«Bahodir Muhammedov O‘zbekfilm va Panorama bo‘yicha tergovchiga barcha kartalarni ochgan. Asosiy leviylar O‘zbekfilmda va Panoramada. O‘zbekfilmda s'yomkalardan (kino, klip, teleko‘rsatuvlar, reklama), Panoramada kontsert biletlaridan mo‘may daromad qilish mumkin» – deydi tizimdagi bilgichlar.

Xullas, tekshiruv payti Shuhrat Rizaev yana eski fintni qo‘llab banisaga yotib olgan. Biroq xabarlar yoyilib, 25 million yevro talon-toroj haqidagi Eltuz maqolasi tinch osmonda momaqaldiroq kabi gumbirlagach Shuhrat Rizaevning rostan mazasi qochdi. Kechki payt o‘sha Karimov o‘lgan xo‘kumat banisasidan chiqib bir-ikki marta ishxonaga ham kelgan Rizaev to‘satdan g‘oyib bo‘ldi. 

Hozir Akademik V.Vohidov nomidagi Respublika ixtisoslashtirilgan jarrohlik markazi huzuridagi kardioxirurgiya bo‘limida Shuhrat Rizaevga yurak operatsiyasi o‘tkazilmoqda. Ana ketti, mana ketti bo‘p yotibdi.