Mahmud Yo‘ldoshev she'riy audio kitobini tarmoqqa qo‘ydi (video)

O‘zbekistonlik adib va ruhshunos olim, bir qancha hikoyalar va she'rlar muallifi Mahmud Yo‘ldoshev 2-iyul kuni o‘zining audiokitobini chop etdi.

«Sidraning to‘rt mevasi» deb nomlangan bu kitobga shoirning to‘rtliklari kiritilgan. Bu to‘plam oddiy kitob holida 2015 yili nashr etilgan, biroq audio kitob shaklida ijtimoiy tarmoqlarda paydo bo‘lgach, muxlislar uning she'rlarni yangi mazmunda kashf etishmoqda.

Yo‘ldoshev bugungi o‘zbek yoshlari uchun zamonaviy shakldagi elektron kitoblar, audio kitoblar chop qilinishi lozim degan fikrda.

U shuningdek, O‘zbekistonda audio kitob chop qilish bilan bog‘liq muammolar borligini ham aytadi.

«Ko‘pchilik kitob do‘konlarida SD shaklidagi audio kitoblarni taklif qilishadi, bu ham kam hollarda, ammo men audio kitoblarning fleshka va internetdagi zamonaviy variantlarini ko‘proq rivojlantirish kerak deb o‘ylayman»

Xozircha Maxmud Yo‘ldoshevning audio she'rlar to‘plami faqat uning feysbuk va odnoklasniki tarmog‘i orqali, tekin tarqalmoqda.

Audio kitobni hozircha bu yerda tinglash va ko‘chirib olish mumkin.

Eltuz.com