Shoirlari kitob o‘qigani uchun tergov qilinadigan davlat

“Bu maktubni sizga ëzaëtgan paytimda xorazmlik adabiët ixlosmandlari viloyat IIB binosi oldida norozilik piketi o‘tkazib turibdi.

Ularning talabi o‘ta oddiy. Kitob o‘qigani ëki sumkasidan badiiy kitob chiqqani uchun qilinaëtgan tazyiqlarga nuqta qo‘yilishini istashadi.

Xorazm viloyatida kriminogen vaziyat ëmonlashgan bir paytda tergov boshqarmasi “kim Muhammad Solihning she'rini o‘qidi”, degan “jinoyat” taftishi bilan oylab shug‘ullanishi uyat, isnod va isrof.

Mashina o‘g‘rilari, kissavur va firibgarlik bilan bog‘liq o‘nlab jinoyatlar ochilmay ëtibdi.

Qotillik, nomusga tegish kabi jinoyatlar chandon urchigan bir paytda davlat pulini behuda sovurib, kim nima kitob o‘qidi, deya tergovchilarni band qilishi kulgili emasmi, janob general.

“Siësiy politsiya” bo‘lishning samarasizligini tushunasiz. Kitob o‘qigan odamning bolasisiz. Shu yurt shoiri Mahmud Rajab shu millatning ulug‘ shoiri Muhammad Solihning badiiy asarini o‘qigani jinoyat emasligini mendan ham yaxshi tushunasiz.

Kalendarga qarang, 2019 yil deb ëzilgan, 1937 emas.

Janob Po‘lat Bobojonov, soliqdan kelgan pulni behudaga sovurmang.

Davlat pulini jinoyatchilikni kamaytirishga¸ qotil va kissavurlarni ushlashga sarflang.

Men sizni tushunadigan odam deb bilib erinmay bu satrlarni ëzdim.

Internet asrida “falonchi pistiën kitob” o‘qibdi deb odamlar ta'qib qilinadigan mamlakat ochiq shaffof mamlakat emas.

Shoirlarni kitob o‘qigani uchun tergov qiladigan davlat erkin emas.

Rassom Tuz

Eltuz.com