Yozarning sasi: O‘zbekning paxtakorligiga achingan daho

Taniqli o‘zbek yozuvchisi Odil Yoqubovning bu fikrlari 2008 yilning iyunida mashhur qirg‘iz yozuvchisi Chingiz Aytmatov vafoti munosabati bilan «Ozodlik» radiosida yangragan edi.

«Chingiz Aytmatov ming yilda bir dunyoga keladigan buyuk daho edi. Shu bilan birga, u o‘zbekning dardini chuqur bilgan shaxs ham bo‘lgan», degan edi marhum o‘zbek yozuvchisi Odil Yoqubov.

Uning so‘zlariga ko‘ra, sovet davrining so‘nggi yillarida olti million tonna paxta yetishtirgan o‘zbeklar mehnatiga hayratlanish barobarida Chingiz Aytmatov xalqning azobini tasavvur qilgan va achinish bilan qaragan.

O‘zining «Ulug‘bek xazinasi», «Ko‘hna dunyo», «Diyonat» kabi romanlari bilan tanilgan Odil Yoqubov 1926 yil 20 oktyabrda hozirgi Janubiy Qozog‘iston viloyatining Qarnoq qishlog‘ida tug‘ilgan. 2009 yil 21 dekabr kuni Toshkent shahrida vafot etgan.

Eltuz.com