Ulug‘bek Tursunov Toshkent IIBdagi oldingi lavozimiga qaytarildi

Ulug‘bek Tursunov yana avvalgi kursisi – Toshkent shahar Ichki ishlar bosh boshqarmasi boshlig‘ining birinchi o‘rinbosari lavozimiga qaytdi. Xodimlar orasida katta obro‘ga ega Tursunov 2020 yil sentyabrida lavozimidan chetlatilgan edi.

Ikki yil muqaddam Ulug‘bek Tursunov  o‘rniga Qo‘qon shahar IIB dan kelgan Muhiddin Jo‘raev Farg‘ona viloyati IIB boshlig‘i etib tayinlangan edi. Farg‘ona viloyat IIBoshqarmasi boshlig‘i Doniyor Tashxo‘jaev Namangan viloyati IIBsiga boshliq bo‘lib o‘tdi. Xo‘sh, Ulug‘bek Tursunovning Toshkent shahar IIBsi boshlig‘ining birinchi muovini bo‘lib qaytishi nega kerak bo‘ldi?

Ichki Ishlar Tizimidagi @Eltuz ning ishonchli manbasi Ulug‘bek Tursunovning o‘z lavozimiga qaytishi borasida shunday deydi: 

IIV va prokuratura yarim yildan beri har 10 kunda IIBlarni tekshiraverib, avra-astarini chikarib tashladi. Bunday tekshir-tekshirlardan bezigan xodimlar yoppasiga ishdan keta boshlashdi. 

Masalan, Sergeli IIB da yarim shaxsiy tarkib ishdan bushash uchun ariza yozgan. Bularning barchasi avvalo ish sifatiga yomon ta'sir kursatdi. Jinoiy-qidiruv faoliyati deyarli to‘xtab koldi. Har 10 kunda tekshiraversa, har kuni IIV selektor o‘tkazaversa, ishlashga qachon ulguriladi.  Shu sababli, jinoiy qidiruv faoliyatini jonlantirish, xodimlar ish sifatini oshirish bo‘yicha nima qilish kerak, degan savol paydo bo‘ldi. Va prokuraturadagilar Ulug‘bek Tursunovni qaytarish kerak, degan taklif berishdi. 

Tursunov ishni tashkil qilish va xodimlarni himoya qilish bo‘yicha ichki ishlar xodimlari orasida katta obro‘ga ega. 

O‘z vaqtida bunaqa obro‘ga Zokirjon Almatov ega bo‘lgan. 

O‘zim guvoh bo‘lganim, ochilmagan qotillik jinoyatini ochish uchun 3 kun oddiy uchastkovыy xonasida ishni tashkil qilib o‘tirdi. Uchastkovoy xonasida konditsioner tugul, hojatxona ham yo‘q edi.  Ulug‘bekning o‘zi o‘tirib, ishlarni tashkil qilib, qotillikni ochish bo‘yicha maslahatlar berib, versiyalar berib, uch kun ichida jinoyatni ochib, keyin o‘zining kabinetiga ketgan edi, deydi Eltuz nashrining Ichki ishlar vazirligidagi manbasi.

Eltuz.com

Youtube: https://www.youtube.com/c/ElTuz

TikTok: https://www.tiktok.com/@eltuz1​​

Twitter: https://www.twitter.com/RassomTuz​​

Instagram: https://www.instagram.com/eltuz1el_tuz​​

Facebook: https://www.facebook.com/eltuzcom​​

Telegram: https://t.me/eltuz