Sammitdan oldin “Ur to‘qmoq”

Sammitga hali ikki hafta vaqt borligiga qaramay, masjidlarga va boshqa jamoat idoralariga, odamlar maxsus metall skaneri orqali tekshirilgan holda kiritilmoqda.

16 iyundan shaharga kirib chiqadigan avtobuslar va temir yo‘l transporti harakatlari to‘xtatildi, mardikor bozorlari yopilib, viloyatdan kelgan fuqarolarni yashash joylariga qaytarish, ayrim idoralarni vaqtincha ta'tilga chiqarish harakatlari boshlab yuborildi.

Atigi ikki kun 23-24 iyun kunlari o‘tadigan Sammit tufayli, shu oy boshidan buyon barcha “huquq-tartibot tizimlari kazarma holati”ga o‘tgan.

Biroq, ayni holatni odamlar kazarmalarda emas, Toshkent ko‘chalarida kuzatishmoqda.

Shuningdek OAVda, soat kechki 10 dan keyin ko‘chada yurgan shaxslar, militsiya tomonidan to‘xtatilib olib ketilayotgani aytilmoqda. Tarmoqda shuningdek, Sammit arafasida badjahl militsionerning «ur to‘qmoq»ni ishlatib mashina onasini urib sindirgan videosi tarqaldi.

Rasmiy OAV xabarlarida «oliy darajadagi xalqaro anjumanlarni o‘tkazish borasida jahon tajribasidan kelib chiqqan holda» o‘tayotgani aytiladi.

Biroq ayni damda, ikki kunlik tadbirni deya butun bir shaharni yopadigan bunday mamlakatni dunyoda izlab topish qiyin.

Bu yangi rusumdagi o‘zbek tadbirini talqin qilar ekan rassom Elsevar, havfsizlikni yanada kuchaytirish uchun butun mamlakatni yopib qo‘yish kerakligini tavsiya etadi.

Rassom Elsevar
Eltuz.com