«Siz MXX loyixasimisiz?» Ketmonov: «Yolg‘on va tuhmat!»

Bugunga kelib, barcha nomzodlar ichida o‘z feyk akkauntlariga ega bo‘lgan Xotamovning Tvitterdagi falloverlari soni 957 taga, tvitlari soni esa 4563 taga yetdi.

Haqiqiy Ketmonovning o‘zi bilan bog‘lanish imkoni yo‘qligindan kelib chiqib, o‘zbek faoli Umida Niyozova ham unga bir qancha jiddiy savollar berdi:

Umida Niyozova: 2013 yilgacha siz Andijonda Hokim o‘rinbosari bo‘lgansiz, 2005 yilgi qo‘zg‘olan boshlangan payt qaerda edingiz?

Xotamjon Ketmonov: Men Andijonda Zokirjon Almatov yonida edim.
Umida Niyozova: Agar siz prezident bo‘lsangiz, tanqidchilaringizni nima qilasiz?

Xotamjon Ketmonov: Haqiqiy lider – jonli, normal, jiddiy muxolifatni istaydigan shaxsdir. O‘zbekiston liderlarining zaifligi, buni bilmasligidandir. Muxolifat chet elda bo‘lmasligi kerak, Muxolifat xalq bilan birga bo‘lishi kerak!

Umida Niyozova: O‘zbekistonga chiqish vizasi nima uchun kerak?

Xotamjon Ketmonov: Bu boshqaruv va nazorat usullaridan biridir. O‘zbekistonda hamma bosim ostida, har bir mahallada, kim qanday yashayotganini MXXga yetkazib turadigan odamlar bor.

Umida Niyozova: Islom Karimov boshqaruvini qanday baholaysiz?

Xotamjon Ketmonov: Islam Abdug‘anievich, bizning otamiz. Ulug‘ siyosatchi va iqtisodchi. Mamlakatning ikkinchi prezidenti bo‘lish qiyin, yangi liderdan ham hamma ayni natijalarni kutadi. Ayni damda, I.A.K. o‘limidan so‘ng katta muammolar boshlandi. Bizning Qirg‘izistondagi va Tojikistondagi qo‘shnilarimiz GES qura boshlashdi, bu bizning mamlakatiz uchun kasofatdir.

Umida Niyozova: Mirziyoevga virtual qabulxonaning nima keragi bor?

Xotamjon Ketmonov: Mirziyoev uzoq yillar bosh vazir bo‘lgan. Virtual qabulxona – xalqning muammolari juda ko‘pligini ko‘rsatadi. Agar siz uzoq vaqt shirinlik yemagan bo‘lsangiz va sizga muddati o‘tib ketgan shokolad berishsa, uni yeysiz va bunga e'tibor bermaysiz.

Umida Niyozova: Siz MXX loyixasimisiz?

Xotamjon Ketmonov: Yolg‘on va tuhmat!

Umida Niyozova: Obid Asomov raxbarligida kulgu va satira vazirligi yaratish kerakmi?

Xotamjon Ketmonov: Ajoyib g‘oya. Biz o‘z kamchiliklarimiz ustidan kula olishimiz va ularni xal qilishimiz lozim. Komiklarni sahnadan mahrum qilmaslik kerak, ular chiqib turishi kerak.

Eltuz.com