Va'dalar pufagida uchish

Mirziyoevning ayrim va'dalari amalga oshmadi. Masalan uning 27 mamlakat sayyohlariga vizasiz kirish izni berish qarori bekor bo‘ldi. Keyinchalik chiqish vizasining bekor qilinishi haqidagi gaplar ham rasmiy matbuot sahifasidan g‘oyib bo‘ldi. Metroning pensionerlar uchun bepul qilinishi haqidagi va'dasi ham puchga chiqdi.

Uning dasturidan, bulardan tashqari kam ta'minlangan aholini uy-joy bilan ta'minlash, bolalar bog‘chalari va yo‘llar qurilishini kengaytirish, Toshkentni ko‘kalamzorlashtirish, sanoatni rivojlantirish, sud tizimini isloh qilish, hususiy biznesni erkinlashtirish, soliq imtiyozlari yaratish va tadbirkorlarni taftish qilishni kamaytirish va'dalari joy olgan.

Mirziyoevdan bugun saylovchilar va'dalarning ijrosini talab qilishga haqli. Chunki u hukumatning xalq oldidagi javobgarligini oshirish haqida ham va'da bergan.

Rassom Adolat
Eltuz.com