Andijon hokimi: «Qarzi bor o‘qituvchilarga oylik yo‘q!»

Andijon shahri hokimi Dilmurod Rahmatullaev 20 noyabr kuni ta'lim tizimi xodimlari bilan o‘tkazgan majlisida o‘qituvchilarga «oylik berishning yangi sharti»ni aytdi.

Hokim gaz, elektr suv, yer solig‘i va boshqa kommunal qarzlar to‘langani haqida ma'lumotnoma keltirmaganlarga oylik berilmasligini bildirdi, dedi majlis qatnashchilaridan biri «Eltuz» muxbiriga.

Majlisda, jumladan, shaharning Bog‘ishamol dahasida joylashgan 28 maktab o‘qituvchilari ishtirok etgan.

Andijon shahri hokimi Rahmatullaev 16 oktyabr kuni o‘qituvchilardan paxta terimida qatnashishni talab qilib, ularni «hayvon», «shoqol», «eshshak», «gadoy», «padaringga la'nat» deya haqoratlagan edi.

Rassom Elsevar
Eltuz.com