Mirziyoev o‘zbek militsiyasini tuzata oladimi?

Prezident Mirziyoev qarori bilan militsiya organlarida shaffoflikni ta'minlash choralari ko‘rilmoqda.

Prezidentning qaroriga ko‘ra, joriy yil 1 maydan boshlab IIV tizimida yuridik va jismoniy shaxslarning murojaatlarini «telefon orqali qabul qilish» markazi ishga tushirilishi kerak.

Shuningdek, hujjatda ta'kidlanganidek, butun mamlakat bo‘ylab Ichki ishlar idoralarida tergov jarayonlari audio va videotizimlar bilan jihozlangan maxsus xonalarda amalga oshirilishi lozim.

Bundan tashqari, tergov departamenti va uning hududiy bo‘linmalari o‘rtasida videoanjuman ko‘rinishidagi aloqa tizimi joriy etiladi.

O‘tgan yili militsiyani tanqid qilgan prezident 4518 nafar xodim ishdan bo‘shatilgani, ular aksariyat poraxo‘rlik, mansab vakolatini suiiste'mol qilish, mansab vakolati doirasidan chetga chiqish kabi jinoyatlarni sodir etganini bildirgan edi.

«Qonun himoyachilarining o‘zi jinoyat sodir etsa, oddiy odam dardini kimga aytishi kerak?» — degan edi Mirziyoev.

Rassom Dumham o‘zbek militsionerini jinoyatni ko‘rib ko‘rmaslikkka oladigan hodim sifatida tasvirladi.

Eltuz.com